jólaundirbúningurinn í hámarki

Skemmtileg helgi að baki. Ellen Helga og Orri farin til síns heima, eftir heimsókn í firðinum fagra. Þeim leiddist ekki frekar en áður að hittast og eyða tíma með fólkinu sínu. Þau mæta svo aftur milli jóla og nýárs.

Konni kláraði að seja jólaseríur í tré og runna og Sig. Óli kom í land á föstudaginn eftir 2 vikna túr og var mikil gleði í kotinu þar. Komin smá jólaundirbúningsþreyta í kerluna en ég merkti það á föstudag þegar ég gleymdi bílnum mínum í gangi fyrir utan spari-póstinn í 11/2 tíma..  Skildi hann eftir þar og fór í vinnu, fór svo til Ak og ætlaði að gera neglur, en þegar til átti að taka hafði ég gleymt "nöglunum" heima, svo ég fór aftur á laugardag til að klára það sem ég hafði lofað þar. Meiri sauðurinn ég.

Á laugardag skreyttum við jólatréð, ástamt barnabörnunum, nema konna Þór litla, sem var ekki boðið þar sem ég reiknaði með að fleiri kúlur og skraut færu af, en á. Tókst afar vel hjá okkur og þurfti ég ekki að færa mikið til í laumi. Hehe.

Á morgun ætlum við að sjóða skötu í stórum potti og eigum von á vinum og vandamönnum í mat i hádeginu. Það verður skemmtilegt. Þórður og Hófý eru að vísu farin suður að halda jól, svo ég sendi hann með skötu með sér og vonandi aumkar einhver sig yfir hann og leyfir honum að sjóða hana. Mamma er hætt í skötubransanum og ég tekin við, enda skemmtilegur siður þrátt fyrir lyktina.

Lokaspretturinn hafin, skrifa fleiri jólkort, klára jólagjafainnkaupinn, pakka inn og skila á rétta staði, skúra skrúbba og bóna. Gaman, gaman.

Jólatréð í stofu stendur.......

Athugasemdir

[Nafn (IP-tala skráð) 22.12.2008 kl. 10:36]

Blessuð Nafna mikið ertu góður penni það er svo gaman að lesa bloggið þitt sem ég geri ætíð.

Ég óska ykkur gleðilegra jóla og farsældar á komandi ári 

[Lísa, Rúnar, Karen Helga og bumbukrílið (IP-tala skráð) 24.12.2008 kl. 11:41]

Elsku þið. Viljum óska ykkur gleðilegra jóla og yndislegs nýs árs. Hafið það sem allra best yfir jólahátíðina og vonandi sjáumst við nú eitthvað á nýja árinu :-)

Knús frá okkur til ykkar
Jólasveinarnir í Undralandi