Uppeldi

ég fékk góðfúslega ábendingu frá vinkonu minni um að ég væri ekki að sinna blogginu sem skyldi. Er þetta í annað sinn sem ég fæ gula spjaldið frá henni. Satt að segja er ég komin á fésbókina og þar með dalaði bloggið. En vissulega ætla ég að halda þessari síðu út áfram..

Annars bara gott að frétta úr firðinum fagra. Veðrið er SVO fallegt að maður helst vart inni við. Sólin skín og allt svo skjannahvítt og fallegt.

Lena fór austur á þriðjudaginn, en Perla varð eftir hjá "ömmu og afa" okkur til miklillar gleði..hm..hm.. Lena sagði að hún nennti ekki að byrja að ala hundinn á hundasiðum upp á nýtt eftir hverja heimsókn til okkar þar sem við eyðilegðum alltaf uppeldið fyrir henni með því að hundsa allar reglur sem hún setur dýrinu, og leyfum henni að haga sér eins og maður en ekki hundur. Ég held því reyndar fram að Perla viti ekki að hún er hundur, hún heldur að hún sé manneskja.

Harpa Hlín sá þetta líka og sagði við foreldra sína að Lena kynni ekki að ala upp hund, og bætti við að þau (Siggi og Vala) kynnu ekki að ala upp strák og átti þá við bróður sinn hann Konna Þór litla sem hún sagði að væri stundum alveg kolvitlaus.. og var þvílíkt hneyksluð á þessu...

Fór í vesturbæinn í gær á listsýningu Fjallabyggðar, en við í menningarnefnd fengum Siggu Gunnars listfræðing til að fara yfir verk í eigu sveitarfélagsins og setti hún upp sýningu með 20 verkum. Hún gekk síðan með hópinn og kynnti verkin og listamennina sem voru ekki af verri endanum, Kjarvarl, Þorlák, Stefán Davíðs, Erró, Nínu Tryggva, ofl. of.l. Fræðandi og skemmtilegt.

ójá

 

ójá

jæja nú er allt á fullu hjá samfylkingu og vG í myndun nýrrar ríkisstjórnar. Vona að þau lendi þessu fljótlega, svo landið verði ekki stjórnlaust lengi. Á samt alveg eins von á að þeim takist það ekki þar sem þau eru að eyða púðri í að rífast um hvenær eigi að kjósa.. mars eða maí. Ef ekkert er meira aðkallandi hjá þeim og þau komin á kaf í kosningabaráttu,  þá er ekki von á góðu.

Lena Margrét kemur norður í kvöld og verður fram yfir helgi. Smá frí í skólanum og hlakka ég mikið til að eyða nokkrum dögum með stelpunni sem ég hef ekki séð síðan í "fyrra" þar sem hún fór austur fyrir áramót.

Mér skilst að þær systur ætli að skella sér á gönguskíði í Íslandsgönguna á Akureyri um helgina og verður mamma þá ekki langt undan með kúabjölluna að hvetja þær til dáða. Bara gaman fyrir mig, en ég er ekki eins viss um að þeim finnist eins gaman að hafa mig gargandi með bjölluna á eftir þeim.. kemur í ljós.

Opið hús hjá okkur slysavarnarkonum í kvöld og skemmtilegheit, nudd, bollalestur, spáð í litaborða, Herbalife- kynning og margt fleira. Erum að hvetja nýjar konur til að mæta og ganga til liðs við okkur, svo endilega allir að mæta.

ójá....

Ertu fífl Hörður?

Nú dast þú heldur betur á bossann, og  búinn að skíta upp á bak.  Mun aldrei aftur mæta á tónleika hjá þér nema þá að hafa í farteskinu pott og ausu til að berja í. Skammastu þín..

Hænuskref í rétta átt

ógleðisástandið

Vá hvað allt er að verða vitlaust í mótmælunum í borg óttans. Ég skil vel reiði fólks og að það heimti afsagnir og breytingar. Skil reyndar ekki að það hafi ekki verið sett frysting á eigur útrásarvíkinganna svokölluðu og þeir hreinlega settir í farbann þar til að búið væri að skoða ofan í kjölinn pappírsleikfimi þeirra.

En annars hef ég legið í rúminu í nokkra daga með allar tegundir flensa, hita, beinverki, kverkaskít, ógleði og dr.... Svo ég er kannske bara með óráði núna að blogga um ástandið.

Vona að ég hressist fljótlega og þjóðin líka.

Ég er að drepast.......

já, jólin eru farin og við hefur tekið hinn hversdagslegi veruleiki sem er satt að segja ekki svo uppbyggjandi og skemmtilegur ef maður fylgist með fjölmiðlum, erum enn í kreppu og ekkert sem bendir til annars en hún sé komin til að vera næstu árin.

Gott ráð er að fylgjast ekki með, taka sér frí frá fréttum og umræðuþáttum, fara í ræktina og ganga nánast frá sér í lyftingunum .. með strengjum og vanlíðan sem síðan breytist í vellíðan ef maður er nógu bjartsýnn til að telja sjálfum sér trú um að verkirnir sem heltaka mann uppúr og niðurúr séu góðir og maður sé nú þvílíkt heppin að finna svona mikið til því skilaboðin frá skrokknum segja að maður hafi nú verið duglegur og tekið á því.

Ég er í þessum sporum núna, get vart gengið, setið eða legið. Við Gulla byrjuðum aftur eftir jólafríið nú á mánudaginn og hver dagur er hreint helvíti, að þurfa að komast fram úr rúminu, klæða sig, komast í skó, útí bíl og úr honum aftur. Gekk svo langt að troða mér í strigaskó án þess að beygja mig og fá svo fólk í búðinni til að reima þá á mig þar sem ég er ein heima og treysti mér ekki til að reima. Hefði farið á inniskónum ef ekki væri fyrir hlákuna, gat ekki hugsað mér að vera blaut í fæturna í allan dag.

Freyja kemur til mömmu í dag, talaði um að við færum út á göngu, ég tek það ekki í mál, hef ekki heilsu í svoleiðis vitleysu... Ætlum að elda eitthvað gott, baka smá og liggja í pottinum ef ég hef þrek til að moka snjóinn ofan af honum.. Vonandi gengur það upp, hef hins vegar áhyggjur af því að komist ég ofan í muni þurfa gríðarlegt átak að koma sér uppúr aftur, svo ég veit ekki hvort ég þori að taka sénsinn.. kemur í ljós.

líkamsrækt er góð í hófi, en við Gulla kunnum okkur ekki hóf og því fer sem fer.

Jólin kvödd

jólin kvaddi ég í gærkvöldi, lá í pottinum og fylgdist með flugeldum og sprengingum í firðinum fagra. Konni var nú ekki alveg nógu ánægður með matseðilinn hjá mér á þrettándanum, grjónagrautur og slátur takk fyrir. Ég bara gleymdi að hugsa fyrir þrettándasteikinni, en ætla að bæta honum þetta upp mjög fljótlega.

Málið er að ég eins og flestir er byrjuð að vinna og það gengur erfiðlega að snúa sólahringnum á réttan kjöl eftir jólafríið. Þetta hefst nú í vikunni og í gær þegar ég var búin að vinna fórum við hjónin í langan göngutúr og síðan í grjónagrautinn- fréttir- pottinn- sjónvarpið í smá stund áður en ég fór að reyna við svefninn, ég hef nefnilega sofnað seinni partinn eða yfir fréttunum í smá stund og er það ávísun á að ég vaki langt fram undir morgun, en í gær semsagt var sett upp þessi áætlun að halda kerlu vakandi fram til 10-11. og það tókst og vaknaði ég þvílíkt hress og úthvíld kl 7 í morgun jibbíjei.

Annars allt í rólegheitum, Konni er í fríi í 3-4 daga og ætlum við að skella okkur á bíó eða gera eitthvað skemmtilegt eins og taka niður jólatréð ..hmhm.

Kerlan komin á fésið eins og hinir unglingarnir. ójá maður lætur ekkert fram hjá sér fara.. eða þannig..

 

Gleðilegt ár 2009

Nú er nýtt ár gengið í garð og er ég viss um að það verður enn skemmtilegra en það sem við vorum að kveðja. Því þrátt fyrir bankahrun og kreppu var þetta gott ár fyrir mig og mína þegar ég horfi yfir sviðið. Allir eru frískir og hamingjusamir og þá þarf nú ekki að biðja um meira. Allavega ekki ég.

Ég þarf ekki að fara langt aftur í tímann til að hugsa til þess er bakkus og önnur vímuefni stjórnuðu ölllum í þessar fjölskyldu, hvort sem þeir voru neytendur eða meðvirkir aðstandendur þá er ég svo þakklát fyrir s.l. ár þar sem mitt fólk tókst virkilega á við vandann og hafði betur í baráttunni nú um stundir a.m.k. og greiddi sínar skuldir til samfélagsins. En þar sem ég er eldri en tvævetur veit ég að baráttan er ekki búin, hún mun standa um ókomin ár en við njótum hverrar stundar þegar vel gengur, en verðum tilbúinn í slaginn ef og þegar þeir áðurnefndu félagar berja á dyr. Krossa fingur ðg bið til Guðs að okkar tími sé komin og þessi pakki sé búinn.

Áramótin voru okkur góð hér á Hlíðarveginum, Kalkúninn var sá besti sem við höfum borðað og mæli ég eindregið með þessari eldunaraðferð sem ég beitti. Horfðum saman á skaupið og fórum síðan öll hersingin til Arnars og Þórgunnar og fögnuðm nýju ári sem aldrei fyrr með fllugeldum og eplacider hehe. siðan var spilað Partí og CO fram eftir nóttu. Við Konni fórum heim um 2.30 með Hörpu og Orra sem gistu hjá okkur. Foreldrar Harðar og systir fóru svo til síns heima eftir miðnættið.

Á nýjársdag buðum við mínu fólki svo í seinnipartskaffi til að allir gætu nú hist og kysst. þar sem við höfum lítið séð til Þórðar og fjölskyldu um jólin og komu þau öll norður krakkarnir um áramótin og var virkilega gaman að hitta þau Örnu Björk og fjölskyldu, Elís og hans kærustu og dóttur hennar og svo Guðmund með sína familíu frá Rökkurhöfða.

Aðalástæðan var auðvita að kveðja mágkonu mína hana Hófý sem er að fara í víking til Danmerkur og ætlar að vera þar fram á vor í listaskóla, við erum stolt af henni að drífa sig og eins og máltækið segir, betra er seint en aldrei. Hún er að láta gamlan draum rætast og er ég viss um að hún á eftir að njóta þess í botn og rúlla þessum skóla upp.

Konni sigldi svo burt í gærmorgunn á sjóinn og skildi mig eina eftir í kotinu og verð ég að viðurkenna að ég er bara búin að liggja, lesa, borða og sofa síðan hann fór og nýt þessa letilífs í botn. Yndislegt að hafa alla hjá sér um hátíðir en maður má líka viðurkenna að það er æðislegt að gera ekki neitt í smá tíma annað en að  morra og slæpast.

Gleðilegt nýtt ár allir

 

 

 

Gleðileg jól

Gleðileg jól allir nær og fjær.

Hér á Hlíðarveginum höfum við haft það gott um hátíðina. Skatan á Þorlák var góð eins ogi við var að búast, en við söknuðum vina okkar, ólöfu og Barða sem voru fjarri góðu gamni í vegna veikinda Helga. Það sló auðvita á gleðina og fékk okkur öll til að staldra við og hugleiða enn og aftur hvað er mikilvægast í lífinu þegar allt kemur til alls.  Biðjum við til Guðs um að hann nái fullum bata á ný og ekkert sem bendir til að svo verði ekki, eins og staðan er í dag.

kápukórinn fór af stað og sungum við í hefðbundnum húsum við mikla gleði húseigenda, og mátti sjá tár á hvörmum, enda er það mottóið hjá okkur að koma út tárum hjá fólki. Húsin voru þó aðeins færri í ár þar sem umbinn okkar hún ólöf var ekki með, og vegna kreppunnar sungum við bara eitt lag á hverjum stað.

Á aðfangadagskvöld vorum við konni og Lena í rólegheitum eftir messuna, bara þrjú í fyrsta skipti, en fórum þegar líða tók á kvöldið til Sig. Óla og fjölskyldu, en Konni litli var veikur um jólin svo það setti pínu strik í reikninginn hjá þeim og komu þau ekki í jólaboðið hjá mömmu á jóladag, né á Sandinn á annan, en við hin mættum og áttum góðar stundir með ættingjunum á báðum stöðum.

Allir fengu svo fallegar jólagjafir, gefnar með kærleik og góðum huga.

Áramótin framundan og þau verða pínu skrítin þar sem Ellen Helga kemur ekki til okkar eins og hún hefur ávallt gert öll sín átta ár. Einnig verður Lena farin austur, en Hafþór kom á annan og eru þau að ferðbúast nú í augnablikinu. Allt er breytingum háð og maður á alltaf að gera ráð fyrir því að með nýjum tímum komi breytingar. Orri mætiri hins vegar eins og alltaf og á sá góði drengur afmæli í dag

 11 ára í dag.. til hamingju með daginn elsku Orri okkar

Sigurður Óli og fjölskylda, Freyja og Hörður og kannske foreldar hans og systir verða hér með okkur, svo okkur mun ekki leiðast þessi áramót, frekar en önnur. Kalkúnnin komin í afþýðingu og mun svo á morgunn leggjast í kryddpækil í sólahring og síðan inn í ofninn á gamlárs í 1-2 tíma á fullu trukki, ný eldunaraðferð sem ég ætla að prófa núna.. ójá..

Gleðilegt nýjár allir nær og fjær....

jólaundirbúningurinn í hámarki

Skemmtileg helgi að baki. Ellen Helga og Orri farin til síns heima, eftir heimsókn í firðinum fagra. Þeim leiddist ekki frekar en áður að hittast og eyða tíma með fólkinu sínu. Þau mæta svo aftur milli jóla og nýárs.

Konni kláraði að seja jólaseríur í tré og runna og Sig. Óli kom í land á föstudaginn eftir 2 vikna túr og var mikil gleði í kotinu þar. Komin smá jólaundirbúningsþreyta í kerluna en ég merkti það á föstudag þegar ég gleymdi bílnum mínum í gangi fyrir utan spari-póstinn í 11/2 tíma..  Skildi hann eftir þar og fór í vinnu, fór svo til Ak og ætlaði að gera neglur, en þegar til átti að taka hafði ég gleymt "nöglunum" heima, svo ég fór aftur á laugardag til að klára það sem ég hafði lofað þar. Meiri sauðurinn ég.

Á laugardag skreyttum við jólatréð, ástamt barnabörnunum, nema konna Þór litla, sem var ekki boðið þar sem ég reiknaði með að fleiri kúlur og skraut færu af, en á. Tókst afar vel hjá okkur og þurfti ég ekki að færa mikið til í laumi. Hehe.

Á morgun ætlum við að sjóða skötu í stórum potti og eigum von á vinum og vandamönnum í mat i hádeginu. Það verður skemmtilegt. Þórður og Hófý eru að vísu farin suður að halda jól, svo ég sendi hann með skötu með sér og vonandi aumkar einhver sig yfir hann og leyfir honum að sjóða hana. Mamma er hætt í skötubransanum og ég tekin við, enda skemmtilegur siður þrátt fyrir lyktina.

Lokaspretturinn hafin, skrifa fleiri jólkort, klára jólagjafainnkaupinn, pakka inn og skila á rétta staði, skúra skrúbba og bóna. Gaman, gaman.

Jólatréð í stofu stendur.......

Jólaguðspjallið

Það var eins og mig grunaði, þegar við konni, Ólöf, Barði, Gulla og Steini mættum í fjárhúsið beið okkar leiksýning um fæðingu jesúbarnsins, Hafdís var María og Eggert Jósef, Gummi og  Óli fjárhirðar, en Þura og Snjólaug sáu um leikhljóðin, (sungu).

Við komum eins og vitringarnir forðum, færandi hendi, fylgdum betlehemstjörnunni (sem Konni bjó til úr Pizzakassa, álpappír og gluggalista) með Gull, reykelsi, og mirru, svo var reyndar aukagjöf svona 2007 dæmi,´púrtvínsflaska. Þetta var mjög hátíðlegt á að horfa og búningarnir alveg til fyrirmyndar og ekki skemmdi lyktin af skepnunum fyrir stemmingunni.  Þau eiga nokkrar rolluskjátur og einn hrút.

Takk fyrir að bjóða okkur í forskot á jólasæluna. Skemmtilegt... en kannske eins gott að það voru ekki margir að fylgjast með okkur, ekki víst að fólk skilji hversu uppátækjasamar við getum verið, en gott að gleyma ekki barninu í sér og þó maður sé 40 og 50 og eitthvað ára þá verður maður að gera eitthvað skemmtilega út úr kortinu af og til.. ójá. þetta var líka góð upphitun fyrir kápukórinn sem fer nú fljótlega að æfa fyrir þorláksmessukvöld.

Tónleikar Frostrósa voru stórkostlegir.. Lena og Perla komnar heim og gott að vera ekki lengur ein í kotinu þar sem konni minn er á sjó, Ellen Helga kom svo á mánudag, fer aftur á laugardag, en mætir aftur á svæðið milli jóla og nýárs og verður þá fram yfir áramótin. Æðislegt stuð hjá okkur, hún er nú reyndar hjá Pabba sínum Völu og krökkunum en kíkir á ömmu reglulega. Yndislegust..Orri kemur svo á föstudag og verður eitthvað... hann er nú orðinn svo fullorðinn að það er lítið mál að hafa hann í heimsókn..

Er nóg að gera, vinna naglast, baka, skrifa jólakort og dúllast sem mér finnst skemmtilegast af öllu að dúllast  dúllast   dúllast..

bráðum koma blessuð jólin.