Skúringar dauðans..

Það má með sanni segja að það er eins gott að ég er með leyfi á skúringarkústinn og moppupróf. Konni var að fræsa upp úr eldhúsgólfinu um helgina, til að leggja hita í gólfið. Ég setti hann inn í eldhúsið og límdi svo plast fyrir hurðargatið, fór svo á kóræfingu.. Það sá ekki í karlinn fyrir semetntsdrullu þegar ég kom heim, og því síður út um gluggan á eldhúsinu, en það fór nánast ekkert ryk fram...........Fyrr en Sigríður fór að sópa.. því eins og asni reif ég plastið frá til að komast inn, og má segja að ég sé búin að vera að skúra og sópa síðan.

En inn á milli hef ég farið á kóræfingar, æfðum frá kl 10-15 á laugardag og sunnudag. Veitir ekki af ef tónleikarnir eiga að vera 31. maí. Við erum að æfa svaka flott og skemmtilegt prógram, t.d. gospellög...Mjög  skemmtilegt.   Eldhúsið gengur eftir áætlun, á morgun klárum við vonandi að skipta um veggplötur þar sem þarf og rafmagn, svo við ættum þá að flísaleggja gólfið á miðvikudag..svo fimmtudag, að huga að innréttingunni... Annars virðist allt sem ég vil fá, ekki vera til, --á leið til landsins, eða í týndum gámum o. s. frv.. en það er allt í lagi...ennþá..Flísar að koma að sunnan á morgun, borðplötur vonandi á leið til landsins í vikunni og eldhúsborðið í gám einhversstaðar.. En svona á þetta að vera.. Þekki engann sem ekki þarf að bíða eftir einhverju..

 fékk 8 í prófinu og er bara fjandi ánægð með það, ætlaði nú bara að fá 7, en hef lagt of hart að mér. Ég er semsagt að reyna að læra að læra ekki of mikið, svo ég treysti mér í fleiri fög í haust, fékk 9 fyrir áramót svo þetta er að koma.. Þetta eru auðvita öfugmæli en þannig er það bara..

Skrapp á sýingu með Freyju hjá Erni Inga á laugardag hún átti verk þar.. voða skemmtilegt.. og sniðug sýning, þar var t.d. kona sem sat í ruggustól með risastóran þorsk í fanginu, hann var með teppi yfir sér greyið, (hann var svo sem dauður) en ferskur. Ýmislegt sem fólki dettur í hug.

Gott að linni.

 

Athugasemdir

[ELLEN HELGA HLAUPABÓLA :) (IP-tala skráð) 22.5.2007 kl. 11:24]

HÆ HÆ AMMA MÍN

ÉG ER HEIMA MEÐ HLAUPABÓLUNA  OG MAMMA TALDI 193 Í GÆRKVÖLDI Á MÉR

OG ERU ÞÆR ORÐNAR FLEIRI NÚNA ER BARA ALLVEG EIN BÓLA 

ANNARS ER GOTT AÐ FRÉTTA ER KOMIN MEÐ NÝJA HJÓLIÐ MITT GEGGJAÐ GELLUHJÓL TAKK FYRIR ÞAÐ ELSKU AFI OG AMMA 

KEM SVO NORÐUR UM HELGINA MEÐ ÖMMU HELGU TIL AÐ FARA Í FERMINGU HJÁ SÆÞÓRI  FRÆNDA

BÆ BÆ ELSKA ÞIG MIKIÐ MIKIÐ BESTA AMMA SIGGA  

[Amma Sigga (IP-tala skráð) 22.5.2007 kl. 14:33]

ÆÆÆ. er mín komin með hlaupabóluna, gott að fá hana snemma á lífsleiðinni, gott að ég sé þig ekki, myndi örugglega kroppa í bólurnar..heheh.. Vonandi kemstu í heimsókn til okkar þegar þú kemur norður vinkona.. láttu þér batna, elska þig líka mín kæra... Amma Sigga